Author name: Altin Torba

Numri i fetvasë: 99 MASAT PËR PARANDALIMIN E MËSYSHIT

Kategoria: ȞASEDI-SMIRA DHE ÂJNI-MËSYSHI

MASAT PËR PARANDALIMIN E MËSYSHIT

 Pyetje: MASAT PËR PARANDALIMIN E MËSYSHIT

Cilat janë masat parandaluese që merren për të fituar mbrojtjen hyjnore prej prekjes apo dëmtimit prej mësyshit?

 Përgjigjja: MASAT PËR PARANDALIMIN E MËSYSHIT

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Tekstet hyjnore islame kanë theksuar një sërë masash parandaluese për të mos u prekur nga mësyshi, ku ndoshta më kryesoret janë udhëzimet hyjnore në vijim:

Së pari: Prej masave më të mira parandaluese islame nga mësyshi, është që kur të na pëlqejë një send apo një person, ta shoqërojmë këtë dhe çdo mirësi tjetër të Allahut: me falënderim të vazhdueshëm me fjalë e vepra, me prezantimin në zemër të faktit se këto mirësi janë tërësisht prej Allahut¹ dhe me formulën lutëse për bekim: “TEBAAREK ALL-LLAAH / E bekoftë Allahu!; ose ALL-LLAAHUM-ME BEERIK LEHU/ Bekoje o Allah!”; kjo formulë bazohet në transmetime autentike profetike², ku përmendet sesi Profeti (Paqja qoftë mbi të!) këshillonte që për t’u mbrojtur prej mësyshit të thuhet për gjënë që pëlqehet “TEBAAREK ALL-LLAAH/E bekoftë Allahu!; ose ALL-LLAAHUM-ME BEERIK LEHU/Bekoje o Allah!”

Numri i fetvasë: 98 REALITETI I MËSYSHIT DHE LLOJET E TIJ

Kategoria: ȞASEDI-SMIRA DHE ÂJNI-MËSYSHI

REALITETI I MËSYSHIT DHE LLOJET E TIJ

 Pyetje: REALITETI I MËSYSHIT DHE LLOJET E TIJ

A mund të na sqaroni në lidhje me të vërtetën e mësyshit dhe llojet e tij?

 Përgjigjja: REALITETI I MËSYSHIT DHE LLOJET E TIJ

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Profeti Muhamed (Paqja qoftë mbi të!) ka thënë: “Syri [mësyshi/dëmi i fuqishëm që shkakton ai] është një realitet [që ndodh në të vërtetë dhe lë pasoja tek uni dhe malli i njeriut]. Nëse diçka do t’i paraprinte kaderit [pra dëmi i mësyshit dhe çdo gjë tjetër ndodhin pashmangshmërisht sipas paracaktimit hyjnor dhe nuk mund të dalin jashtë tij], ai do të qe mësyshi [pra theksohet vërtetësia e dëmit të fuqishëm të tij]; nëse u kërkohet që të laheni [për shkak se keni marrë mësysh dikë], duhet të laheni”¹; në hadith vjen përmendja e faktit se mësyshi si çdo gjë tjetër ndodh vetëm sipas paracaktimit hyjnor, si kundërpërgjigje ndaj arabëve që pretendonin se syri dëmton vetvetiu.

Numri i fetvasë: 97 DALLIMI MES MËSYSHIT DHE SMIRËS

Kategoria: ȞASEDI-SMIRA DHE ÂJNI-MËSYSHI

DALLIMI MES MËSYSHIT DHE SMIRËS

 Pyetje: DALLIMI MES MËSYSHIT DHE SMIRËS

Si mund të bëhet dallimi mes prekjes së njeriut prej mësyshit dhe prekjes së tij prej smirës?

 Përgjigjja: DALLIMI MES MËSYSHIT DHE SMIRËS

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Së pari: Sqarimi i ndryshimeve kryesore mes mësyshit dhe smirës

Dijetarët muslimanë kanë theksuar këto ndryshime kryesore mes mësyshit dhe smirës:

Ndryshimi i parë: Mësyshmarrësi mund ta lëndojë (dëmtojë) njeriun duke dëshiruar prishjen e mirësisë së tij, por mundet që ta lëndojë atë edhe pa e dëshiruar këtë të fundit, si në rastin kur mësyshmarrësi merr mësysh katandinë dhe fëmijët e tij; ndërsa smirëziu e lëndon (dëmton) njeriun nisur nga dëshira e tij e përflakur për prishjen ose mosrealizmin e mirësisë së personit që smiron; realiteti se smirëziu e kontrollon dhe komandon smirën e tij, duket qartë në faktin sesi ai nuk i smiron ndonjëherë pasurinë dhe fëmijët e tij.

Numri i fetvasë: 96 SI NDODH PREKJA NGA MËSYSHI DHE SMIRA

Kategoria: ȞASEDI-SMIRA DHE ÂJNI-MËSYSHI

SI NDODH PREKJA NGA MËSYSHI DHE SMIRA

 Pyetje: SI NDODH PREKJA NGA MËSYSHI DHE SMIRA

Si ndodh prekja e njeriut nga mësyshi dhe smira?

 Përgjigjja: SI NDODH PREKJA NGA MËSYSHI DHE SMIRA

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Marrja mësysh (në arabisht “EL-ÂJN”) është një e vërtetë që bazohet në argumente të fuqishme autentike islame.

Së pari: Kuptimi i mësyshit

Mësyshi mendohet si ndikim dëmtues material apo psikologjik i njeriut, mbi frymorin (njeriun apo një gjallesë tjetër) ose mbi një send, falë forcave dhe realiteteve të fshehta të natyrës humane që e ushtrojnë këtë ndikim.