Numri i fetvasë: 417 NDËRPRERJA E AGJËRIMIT VULLNETAR
Kategoria: AGJËRIMI VULLNETAR
712 shfletues/klikues NDËRPRERJA E AGJËRIMIT VULLNETAR
Pyetje: NDËRPRERJA E AGJËRIMIT VULLNETAR
A lejohet që agjërimi vullnetar të ndërprehet me ose pa arsye dhe nëse ndërprehet a duhet kompensuar apo jo?
Përgjigjja: NDËRPRERJA E AGJËRIMIT VULLNETAR
Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!
Në lidhje me personin që e fillon agjërimin vullnetar dhe pastaj e prish atë, juristët muslimanë ndajnë dy mendimet krysore në vijim1:
Mendimi i parë: Agjërimi vullnetar nuk është detyrim të kompletohet dhe as kompensohet
Sipas këtij mendimi (të mbështetur nga medh’hebi shafi’i, hanbeli etj.), i cili përbën mendimin më të fuqishëm, personi që ka filluar një agjërim vullnetar nuk është i detyruar që ta plotësojë atë dhe as ta kompensojë (zëvendësojë) atë nëse e prish.
Sa në fjalë bazohet në një sërë transmetimesh, prej të cilave po përmendim sa vijon:
Në transmetimin e Aishes, Allahu qoftë i kënaqur me të, vjen se ajo ka thënë: “O i Dërguari i Allahut: Na është dhuruar hajs [ushqim në trajtë përzierje gjalpi me hurma arabie …].” Ai, Paqja qoftë mbi të, tha: “Tregoma atë, se më ka zënë mëngjesi agjërues [nuk kam ngrënë e pirë asgjë, nga agimi deri tani në mëngjes, sepse kisha vendosur të bëjë agjërim vullnetar], dhe ai, Paqja qoftë mbi të, hëngri [për të shërbyer kjo si shembull pë muslimanët].”2Lexoni më tepër
Gjithsesi është e pëlqyeshme (mustehab) që kushdo që fillon një agjërim vullnetar dhe nuk ka ndonjë arsye serioze për ndërprerjen e tij, ta përmbushë (ta çoj deri në fund) atë, bazuar në rregullin juridik kuranor: “… dhe mos i çoni dëm (mos i prishni) veprat (adhurimet) tuaja.”7
Mendimi i dytë: Agjërimi vullnetar duhet të plotësohet dhe nëse prishet duhet kompensuar
Sipas këtij mendimi (të mbështetur nga medh’hebi hanefi etj.), personin që ka filluar një agjërim vullnetar është i detyruar që ta plotësojë atë dhe nëse e prish duhet ta kompensojë (zëvendësojë).
– Mendimi i parë është më i fuqishmi, pasi argumentet mbështetës të tij janë bazuar në transmetime të fuqishme (autentike), kurse mendimi i dytë bazohet faktikisht në transmetime që nuk janë të fuqishme (pra në transmetime të dobëta).
Allahu e di më mirë. NDËRPRERJA E AGJËRIMIT VULLNETAR
Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.
_____ NDËRPRERJA E AGJËRIMIT VULLNETAR
NDËRPRERJA E AGJËRIMIT VULLNETAR
Poshtëshënim:
- Shih: islamqa dhe islamweb.
- Muslimi, nr. 1154; shih: dorar.
- Ed-Derakutni, nr. 24, Ibn Haxheri ka thënë se ky transmetim është “hasen/i besueshëm”.
- En-Nesai, nr 2322; transmetimi është “hasen/i besueshëm”.
- Ahmedi, nr. 26937 dhe Et-Tirmidhi, nr. 732; El-Axhluni thotë se ky transmetim është “sahih/i vërtetë”.
- Ebu Daudi, nr. 2456; Albani e klasifikon transmetimin si “sahih/të vërtetë”.
- Kuran, Muhamed: 33.
