DISPOZITA TË TJERA PËR MIKATET

Numri i fetvasë: 436 MIKATI-CAKU RITUAL KOHOR-HAXH-UMRE

Kategoria: MIKATET E HAXHIT DHE UMRAS

 MIKATI-CAKU RITUAL KOHOR-HAXH-UMRE

yetje: MIKATI-CAKU RITUAL KOHOR-HAXH-UMRE

Cili është kuptimi dhe përkufizimi i fjalës “mikat / meuakite” dhe cilat janë meuakitet kohore dhe vendore të haxhit dhe umres?

 Përgjigjja: MIKATI-CAKU RITUAL KOHOR-HAXH-UMRE

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Në kuadrin e kryerjes së ritualeve madhështore islame të haxhit dhe të umres, juristët muslimanë kanë trajtuar meuakitet (caqet rituale) kohore të haxhit dhe umres, si vijon:

Shqyrtimi i parë: Përkufizimi i “meuakite-ve”
Kuptimi gjuhësor: “Meuakite” është shumësi i fjalës arabe “mikat”, që ka kuptimin caku që i përcaktohet veprimit dhe vendit, pastaj është huazuar (në përdorim) për vendin dhe prej këtij huazimi janë meuakitet (caqet rituale vendore) të haxhit të përcaktuara tek vendet e ihramit (nisjes së qëllimtë të ritualit); ashtu që thuhet se “ky është mikati (caku ritual vendor) i banorëve të Shamit (Siria, Jordani, Libani dhe Palestina e sotme)” për vendin ku ata hyjnë në ihram.
Kuptimi terminologjik: Me termin “meuakite” nënkuptohet koha e ritualit (të haxhit / umres) dhe vendi i ihramit (nisjes së qëllimtë të ritualit) për (të kryer) haxhin / umren.