TRADITA PROFETIKE SI BURIM I LIGJIT ISLAM - JETA E VËRTETË

Numri i fetvasë: 334 TRADITA PROFETIKE SI BURIM I LIGJIT ISLAM

2 056 shfletues/klikues TRADITA PROFETIKE SI BURIM I LIGJIT ISLAM

Pyetje: TRADITA PROFETIKE SI BURIM I LIGJIT ISLAM

Përdersia Kurani është i plotë, i kompletuar dhe i garantuar për ligjin islam, për çfarë nevojitet atëherë Suneti (Tradita Profetike)? Cila është pozita që gëzon Suneti (Tradita Profetike) në raport me Kuranin, mbështetur me argumente kuranore dhe profetike?

Përgjigjja: TRADITA PROFETIKE SI BURIM I LIGJIT ISLAM

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!Lexoni më tepër

Argumentet autentike kuranore dhe profetike që vërtetojnë se Suneti është burim kategorik i ligjit islam, janë të shumta dhe ne po mjaftohemi me sa vijon:

Së pari: Thënie kuranore

“Ne i kemi nisur të dërguarit vetëm me qëllimin që njerëzit, me lejen e Allahut, t’u binden atyre… Jo, për Zotin tënd, ata nuk do të jenë besimtarë të vërtetë, derisa të të marrin ty për gjyqtar për kundërshtitë mes tyre; e pastaj, të mos ndiejnë kurrfarë dyshimi ndaj gjykimit tënd dhe të të binden ty plotësisht.“¹

“Kush i bindet të Dërguarit, i është bindur Allahut.“²

“Ai (Muhamedi) nuk flet sipas qejfit të vet, por ajo (që thotë) është vetëm shpallje hyjnore, që i vjen atij.“³

“Allahu të shpalli ty Librin (Kuranin) dhe Urtësinë e plotë (Sunetin / Traditën Profetike).”⁴Lexoni më tepër

Së dyti: Thënie profetike

“Vërejtje [e thënë zemërueshëm për kë lë pas dore Sunetin (hadithin) duke u mjaftuar vetëm me Kuranin, lëre më pastaj atë që i jep përparësi mendimit të tij para Sunetit], më është dhënë Libri (Shpallja Kuranore e lexueshme) dhe si ai (Suneti / Tradita Profetike sqaruese) krahas tij (Kuranit). Vërejtje, do të jetë afër kur një burrë i ngirë (ngopur) [naiv dhe mendjemadh], anueshëm mbi ulësen e tij [do t’i mohojë legjitimimet profetike që nuk janë përmendur në Kuran, ashtu që do] të thotë [lidhur me refuzimin e sunetit që atij nuk i vjen për terezie]: ‘Ju e keni obligim t’i përmbaheni këtij Kurani; çfarë të gjeni në të prej hallallit (legjitimes) ta konsideroni hallall dhe çfarë të gjeni në të prej haramit (jolegjitimes) ta konsideroni haram!’ Vërejtje [tek këto legjitimime nga tradita profetike që nuk janë përmendur në Kuran dhe që tregojnë se tradita profetike autentike është argument legjitimues në vetvete janë për shembull urdhëresat profetike se], për ju nuk është e ligjshme (lejuar) ngrënia e gomarit shtëpiak dhe as e çdo bishe me stërdhëmbë… Vërejtje, faktikisht edhe çfarë ka bërë haram (shpallur të paligjshme) i Dërguari i Allahut (Muhamedi / Paqja qoftë mbi të!) është ashtu si çfarë ka bërë haram (shpallur të paligjshme) Allahu [dhe kjo vlen edhe për hallallin].”⁷Lexoni më tepër

Një tjetër argument i fuqishëm mbi të qenët e Sunetit (Traditës Profetike) burim i dytë i pakontestueshëm i Shpalljes Hyjnore Islame, janë edhe transmetimet lidhur me rekomandimin profetik në çështjen e pjalmimit të hurmave⁸, ku vjen se Profeti (Paqja qoftë mbi të!) ka parë disa njerëz që po pjalmonin hurmat [proces tradicional ky që ndikonte për një prodhimtari të mirë me lejen e Allahut] dhe ka shprehur mendimin e tij (njerëzor) se nga kjo gjë nuk ka dobi; pastaj ky mendim i tij është marrë në konsideratë nga fermerët, por kur fermerët e kanë lënë këtë pjalmim, kjo është shoqëruar me problem në prodhim (hurmat nuk kanë dhënë fryte të ngrënshme), gjë për të cilën ata janë ankuar tek Profeti (Paqja qoftë mbi të!) që lidhur me këtë u ka thënë:

“Nëse atyre (fermerëve) ju bën dobi kjo [mendimi im personal se pjalmimi i hurmave nuk është i nevojshëm / nuk vyen] le ta veprojnë; pasi unë në fakt e mendova si mendim, pra mos ma merrni për të keq kur u jap një mendim [mendimi im njerëzor mund të jetë i qëlluar por mund të jetë edhe i gabuar]. Ndërsa kur t’ju flas diçka për Allahun (nga Shpallja Hyjnore), merreni atë (përmbajuni asaj), pasi unë nuk gënjej për Allahun e Lartmadhëruar [jam i garantuar nga Allahu të mos gaboj / të mos sjellë diçka të pavërtetë kur përcjell tek ju adhurimet]”⁹; “Unë jam një njeri; nëse ju urdhëroj për diçka nga feja juaj (Shpallja Hyjnore) merreni atë (përmbajuni asaj); ndërsa nëse ju urdhëroj me diç prej mendimit tim (njerëzor), unë në fakt njeri jam“¹⁰; “Nëse është diçka nga çështja e dynjasë suaj: ju e dini më mirë [merreni nga të diturit ndër ju]; ndërsa nëse është diçka nga çështja e fesë suaj (Shpallja Hyjnore): atë tek unë [merreni]”¹¹; ku në fragmentin profetik “unë nuk gënjej për Allahun e Lartmadhëruar” të transmetimeve të lartpërmendura, vjen argumenti i prerë se është e pamundur që Profeti (Paqja qoftë mbi të!) të gabojë e të bjerë në gënjeshtër për Allahun, duke u sqaruar kështu prerazi fakti se Suneti (Tradita Profetike) është Shpallje Hyjnore nga ana e Allahut të Madhëruar dhe nuk është nga mendimet dhe vlerësimet e unit njerëzor të Muhamedit (Paqja qoftë mbi të!) prej njohurive njerëzore të tij lidhur me çështjet e kësobotshme.

Hasen Ibn Atije – nga tabi’inët / gjenerata pas sahabëve (shokëve të Profetit) – thoshte: “Xhibrili zbriste mbi Profetin (Muhamed / Paqja qoftë mbi të!) Sunetin (Traditën Profetike) ashtu siç zbriste mbi të Kuranin”¹²

– Një argument i fuqishëm që shkul nga rrënjët pretendimin fallso të kujt lë pas dore Sunetin (Traditën Profetike) dhe mjaftohet me Kuranin si burim i vetëm dispozitash për fenë islame, është fakti se, ne si muslimanë jemi të urdhëruar në Kuranin fisnik që mospajtimet tona t’i referojmë tek Kurani dhe Suneti, bazuar në thënien kuranore: “O besimtarë! Bindjuni Allahut, bindjuni të Dërguarit dhe atyre që drejtojnë punët tuaja. Nëse nuk pajtoheni në ndonjë gjë, drejtojuni Allahut dhe të Dërguarit (Sunetit / Traditës Profetike), nëse besoni Allahun dhe Ditën e Kiametit. Kjo për ju është më e mira dhe shpjegimi më i bukur“¹³; së këtejmi atyre që nuk pajtohen për ta marrë në konsideratë Sunetin si burim dispozitash për fenë islame krahas Kuranit, u mbeten dy alternativa karshi argumentimit kategorik të këtij ajeti kuranor: (së pari) ta pranojnë këtë argument, d.m.th. të shtrëngohen t’i kthehen Sunetit, e së këtejmi pretendimi i tyre asgjësohet; ose (së dyti) nëse nuk i kthehen Sunetit, bien kësisoj në kundërshtim me Kuranin (që pretendojnë se është i panevojshëm për Sunetin)¹⁴.

Allahu e di më mirë. TRADITA PROFETIKE SI BURIM I LIGJIT ISLAM

Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.

_____ TRADITA PROFETIKE SI BURIM I LIGJIT ISLAM

TRADITA PROFETIKE SI BURIM I LIGJIT ISLAM

En-Nisa: 64. ↩
En-Nisa: 80. ↩
En-Nexhm: 3-4. ↩
En-Nisa: 113. ↩
El-Hashr: 44. ↩
En-Nur: 54. ↩
Transmeton Ebu Daudi 4604; Albani thotë se ky hadith është sahih/i vërtetë dhe fragmentin pas “…” e transmeton Et-Tirmidhi 2664; Albani thotë se ky hadith është hasen/i besueshëm; shih për komentin mes kllapava katrore: islamweb dhe dorar. ↩
Shih: islamqa dhe dorar. ↩
Muslimi 2361, Ahmedi v. 3, f. 15 etj. ↩
Muslimi 2362, Ibn Hibani v. 1, f. 202 etj. ↩
Muslimi 2363, Ahmedi 12544 (v. 20, f.19, v. 41, f. 401), Ibn Maxhe 2471 (2019) etj. ↩
Ed-Darimi 588, El-Khatib në El-Kifaje 12, El-Hafidh në El-Fet’h (v. 13, f. 291) e ka referuar tek El-Bejhaki dhe ka thënë se zinxhiri i këtij transmetimi është sahih/i vërtetë. ↩
En-Nisa: 59. ↩
Shih: islamqa. ↩

Të afërta

Shpërndajeni Fjalën e Mirë:

Të afërta

Related Posts