TEKBIRI I LIRË-I KUFIZUAR NË DHUL HIXHE

Numri i fetvasë: 278 TEKBIRI I LIRË-I KUFIZUAR NË DHUL HIXHE

Kategoria: ETIKË-VIRTYT-GOJËTARI

1 892 shfletues/klikues TEKBIRI I LIRË-I KUFIZUAR NË DHUL HIXHE

---

 Pyetje: TEKBIRI I LIRË-I KUFIZUAR NË DHUL HIXHE

---

Cili është kuptimi i tekbirit të kufizuar dhe atij të lirë që thuhen në Dhul Hixhe (Bajram) dhe a mund të na jepni disa njohuri kryesore në lidhje me këto tekbire?

---

 Përgjigjja: TEKBIRI I LIRË-I KUFIZUAR NË DHUL HIXHE

---

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Në lidhje me këtë çështje thuhet sa vijon¹:

Së pari: Tekbiri i pakufizuar / i lirë (ET-TEKBIIRU EL-MUŤLAǨ)

Lidhur me formën e tekbirit të pakufizuar vlen të thuhet po ajo që thuhet (në vijim) për tekbirin e kufizuar (ET-TEKBIIRU EL-MUǨAJ-JED).

Ndërkaq, tekbiri i pakufizuar (bazuar në një nga mendimet e medh’hebit hanbeli dhe disa juristëve bashkëkohorë) është i pëlqyeshëm që të thuhet në dhjetëditëshin e parë të Dhul Hixhes dhe në Ditët e Teshrikut (tre ditë pas ditës së Kurban Bajramit, pra 11-13 Dhul Hixhe) dhe po kështu (bazuar në mendimin e thuajse të gjithë juristëve muslimanë) tekbiri i pakufizuar pëlqehet të thuhet edhe në ditën e Fitër Bajramit, duke filluar nga perëndimi i diellit të natës së Fitër Bajramit dhe mbaron kur imami të dalë për t’u falur në faltoren e Namazit të Fitër Bajramit ose mbaron me faljen e këtij namazi.Lexoni më tepër

Së dyti: Tekbiri² i kufizuar (ET-TEKBIIRU EL-MUǨAJ-JED)

a. Forma e tekbirit të kufizuar

Forma tekstuale (në arabisht / e transliteruar me shkronja latine) e tekbirit të kufizuar është: “ALL-LLAAHU EKBER, ALL-LLAAHU EKBER, LAA ILAAHE IL-LELL-LLAAH, ALL-LLAAHU EKBER, ALLAHU EKBER, UE LIL-LAAHIL-ȞAMD / Allahu është më i Madhi, Allahu është më i Madhi, nuk ka të adhuruar me të drejtë përveç Allahut, Allahu është më i Madhi, Allahu është më i Madhi dhe Allahut i takon falënderimi absolut.”Lexoni më tepër

b. Koha e thënies së tekbirit të kufizuar

Tekbiri i kufizuar është i veçantë për Festën e Bajramit të Kurbanit (thuhet në ditën e Kurbanit të Bajramit, në ditën para tij dhe në tre ditë pas tij), por (mbështetur në mendimin e katër medh’hebeve) ai nuk thuhet për festën e Bajramit të Fitrit.Lexoni më tepër

c. Dispozita e tekbirit të kufizuar⁵

Thuajse të gjithë dijetarët muslimanë janë të mendimit se tekbiri i kufizuar është i ligjëruar (bazuar në transmetimet e ardhura nga sahabët / shokët e Profetit) dhe shumica e juristëve muslimanë janë të mendimit se ky tekbir nuk është obligim.

Së treti: Bërja në grup i tekbirit të pakufizuar dhe atij të kufizuar⁶

Juristët muslimanë përmendin se tekbiri i pakufizuar dhe ai i kufizuar lejohet që të bëhen në grup, bazuar në transmetimet e sakta⁷ ku përmendet se këto tekbire të kërkuara veçanërisht në Dhjetëditëshin e Parë të Dhul Hixhes dhe në Ditët e Teshrikut, janë bërë në mënyrë kolektive, me kuptimin se ka pasur grupe njerëzish që kanë bërë tekbir kolektiv të njëzëshëm. Gjithsesi, sa në fjalë tregon thjesht lejimin që tekbiret në fjalë të bëhen njëzëri në grup, teksa si rregull juridik, më e mira dhe më kompletuara është që sa në fjalë të bëhet individualisht.

Allahu e di më mirë. TEKBIRI I LIRË-I KUFIZUAR NË DHUL HIXHE

Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.

_____ TEKBIRI I LIRË-I KUFIZUAR NË DHUL HIXHE

TEKBIRI I LIRË-I KUFIZUAR NË DHUL HIXHE