SHENJAT KRYESORE TË MAGJISTARËVE

Numri i fetvasë: 181 SHENJAT KRYESORE TË MAGJISTARËVE

Kategoria: REALITETI-KLASIFIKIMET E MAGJISË

1 949 shfletues/klikues SHENJAT KRYESORE TË MAGJISTARËVE


 Pyetje: SHENJAT KRYESORE TË MAGJISTARËVE


Kemi dëgjuar se shpesh herë njerëzit hallexhinj mashtrohen duke shkuar tek magjistarët, të cilët u shtiren se janë njerëz të fesë. Ndodh që këta magjistarë t’i mashtrojnë njerëzit duke mbajtur edhe simbole fetare në ambientet ku ushtrojnë magjinë. A mund të na tregoni si mund të dallohen magjia dhe magjistarët?


 Përgjigjja: SHENJAT KRYESORE TË MAGJISTARËVE


Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Jo çdo njeri që pretendon se është në rrugën e Zotit, është i tillë. Muslimani, në lidhje me çështjet e fesë islame, sidomos ato që kanë të bëjnë me botën e fshehtë, duhet të jetë shumë i kujdesshëm, pra duhet të referohet dhe drejtohet vetëm tek muslimanët e kualifikuar të besueshëm.Lexoni më tepër

Dijetarët muslimanë përmendin se shenjat më të spikatura që shërbejnë për njohjen e magjistarëve janë:

1. Magjistarët janë gënjeshtarë dhe një nga gënjeshtrat më të mëdha të tyre është pretendimi i njohjes së të fshehtës, edhe nëse nuk e thonë haptazi këtë;Lexoni më tepër

2. ata nuk janë në rrugën e drejtë, nuk lahen nga xhunubllëku (nuk marrin gusël1) dhe thënë në mënyrë të përmbledhur nuk i japin rëndësi përkushtimit fetar;

3. ata demaskohen (zbulohen) sidomos në çështjet që kanë të bëjnë me gratë, pasi haramet dhe skandalet e tyre në këtë drejtim janë të shumta, ashtu që shumë prej tyre vetmohen me gratë dhe i prekin ato me pretekstin e shërimit;

4. ata pyesin për emrin e personit që shkon tek ata dhe emrin e nënës së tij2 dhe ndodh që ata t’i tregojnë të sëmurit emrin e tij, të vendit të tij dhe problemin për të cilin ka ardhur;

5. ata përdorin shumë avuj dhe tymëra, përdorin lëndë të rralla dhe mbajnë unaza të mëdhaja; shkruajnë pjesë të Kuranit me ndytësi dhe gjakun e menstruacioneve; murmuritin (pëshpërisin / lexojnë) dhe shkruajnë fjalë, simbole dhe hajmali misterioze (të pakuptueshme);

6. ata ndonjë herë kërkojnë prej të sëmurit të mos e prek ujin për një kohë të caktuar3 dhe e urdhërojnë që për një kohë të caktuar të qëndrojë larg njerëzve në një dhomë ku nuk hyn dielli;

7. ata kërkojnë prej personit që shkon tek ata që të sjellë një kafshë me cilësi të veçanta për ta therur, e cila theret pa përmendur emrin e Allahut dhe ndodh që me gjakun e saj të lyhet vendi i dhimbjeve të të sëmurit ose të hidhet në një vend të shkretë; ose i kërkojnë të sëmurit të bëj kurban (theror) për dikë a diçka tjetër përveç Allahut;

8. ata marrin gjurmë (sende) prej të sëmurit (si: rrobë, kapele, shami etj.), i japin atij nuska katrore ku janë shkruar gërma të ndara apo numra, ose i shkruajnë këto gërma të ndara në një letër të rrëshqitëshme apo procelan të bardhë dhe e urdhërojnë të sëmurin që t’i shpëlajë me ujë sipërfaqet në fjalë të shkruara me gërmat e ndara dhe ta pijë këtë ujë; ata i japin të sëmurit gjëra që t’i gropos ose i japin letra për t’i djegur dhe për t’u tymosur me ta;

9. ata ndodh që në fillimet e tyre (sidomos në vende ku vlerësohet Kurani) të pretendojnë se e lexojnë dhe besojnë Kuranin, me qëllim që t’i mashtrojnë naivët që të shkojnë tek ata.

Allahu, Mbrojtësi më i mirë dhe më Mëshiruesi i mëshiruesve, na ruajt nga intrigat dhe veprimet djallëzore të magjistarëve!4

Allahu e di më mirë. SHENJAT KRYESORE TË MAGJISTARËVE

Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.

_____ SHENJAT KRYESORE TË MAGJISTARËVE

SHENJAT KRYESORE TË MAGJISTARËVE

  1. Gusël: Larja rituale e gjithë trupit pas ejakulimit.
  2. Këtë e bëjnë sepse magjistarët të shtrënguar nga ndikimet djallëzore besojnë se të gjitha gratë / nënat i kanë fëmijët nga kurvëria dhe se vetëm nëna e fëmijës dihet me siguri cila është, ndërsa babai nuk dihet.
  3. Shpesh herë kjo kohë është 40 ditore, dhe kjo (sipas të kualifikuarve) tregon se xhindi që i shërben këtij magjistari është i krishterë.
  4. Shih: islamqa dhe alukah.
AKUZIMI PËR MAGJI DUHET FAKTUAR
PËRKUFIZIMI DHE DISPOZITA E MAGJISË
 

4 comments on “SHENJAT KRYESORE TË MAGJISTARËVE

  1. nje pyetje ju lutem:
    nje grua qe e lidh shamin rreth ballit a ka te beje me magjistaret apo qfar shenje eshte kjo?

    • Altin Torba

      Pyetjen nuk e kam te qarte… ju lutem sqarojeni pak me shume… ka gra qe e lidhin shamine rreth ballit per arsye te ndryshme qe nuk kane te bejne fare me kete dyshim te ngritur, disa arsye te lejuara dhe disa jo… kurse nese kjo grua ka te dhena te tjera te dyshimta dhe atyre u shtohet edhe kjo e dhene, kjo e fundit mund te sherbeje si tregues shtese… ne origjine duhet bere shume kujdes me akuzimin e tjetrit per gjera te tilla… (per me shume shiko linkun: http://www.jetaever8.de/akuzimi-per-magji-duhet-faktuar/)

  2. I paemër

    Duhet ta lexoni

    Përshëndetje të gjithëve emri im është …, dua të tregoj historinë time në botë se si e kam kthyer burrin tim ish me magji dashurie, kam vuajtur vetëm me vajzën time të vogël për 9 vjet, burri më ka lënë dhe ka ndjekur një grua tjetër, unë isha duke kërkuar ndihmë kudo… Askush nuk mundi të më ndihmojë, deri muajin e kaluar, pashë referimin e një gruaje nga Gjermania, duke folur për Dr. … Ky njeri është shumë i fuqishëm që ka fuqinë të bëjë gjithçka, ai e solli bashkëshortin tim për mua me magjinë e tij, unë isha kaq e lumtur dhe i thashë se unë do të ndajnë emrin e tij në botë për njerëzit që ta njohin atë, Dr. … solli bashkëshortin tim që më la për 9 vjet në vetëm 24 orë, ky njeri është i superfuqishëm unë dua të ju informoj se nese keni marrëdhënie apo ndonjë problem, kontaktoni Dr. … dhe ai do të ndihmojë në mënyrën se si ai më ndihmoi…

    • Altin Torba

      Se pari une nuk i shkruajta emrin tuaj dhe te Dr. qe pretendoni se ka mundesi te sheroj dhe bej gjithcka, pasi keshtu do t’i ndihmohej ketij personi qe me sa arrihet te hetohet eshte vetem nje magjistar i lig… Ju po thoni: “Ky njeri është shumë i fuqishëm që ka fuqinë të bëjë gjithçka”, – duke e konsideruar keshtu kete njeri zot, pasi vetem Zoti e ka kete cilesi dhe askush tjeter vec Tij. Allahu na ruajt nga magjistaret… ky njeri me sa duket eshte nga magjistaret qe bashkepunojne me xhindet dhe njerez te tille vetem ua shtojne problemet njerezve, edhe pse ne fillim duket sikur ata bejne zgjidhje per hallin qe ka dikush, por pastaj vijojne problemet edhe me te renda se me pare… Allahu na ruajte nga magjistaret dhe demi i tyre… Per me shume lexoni: http://www.jetaever8.de/format-sesi-informohet-magjistari/.

Lini Një Koment

Your email address will not be published.

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.