LIMITI-CAKU I MBYLLJES SË SYFYRIT

Numri i fetvasë: 117 LIMITI-CAKU I MBYLLJES SË SYFYRIT

Kategoria: SAKTËSIA E AGJËRIMIT-KUSHTET

10 016 shfletues/klikues LIMITI-CAKU I MBYLLJES SË SYFYRIT

---

 Pyetje: LIMITI-CAKU I MBYLLJES SË SYFYRIT

---

Cili është limiti (caku) i kohës në të cilën agjëruesi duhet që ta mbyllë syfyrin? A konsiderohet bidat imsaku (ndalimi nga prishësit e agjërimit) disa minuta përpara hyrjes së kohës së namazit të sabahut?

---

 Përgjigjja: LIMITI-CAKU I MBYLLJES SË SYFYRIT

---

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Së pari: Kuptimi i fjalës “syfyr” dhe “imsak”

Fjala syfyr vjen nga fjala arabe “ES-SUȞUUR”, që në kuptimin juridik islam nënkupton ngrënien dhe pirjen në pjesën e fundit të natës. Shumica e juristëve muslimanë janë të mendimit se koha e syfyrit fillon nga mesnata deri në agimin e vërtetë. Kurse fjala imsak, vjen nga arabishtja dhe ka kuptimin e ndalimit a frenimit të vetes nga prishësit e agjërimit.¹

Së dyti: Imsaku i rregullt fillon me hyrjen e agimit të vëretë

Shumica thuajse konsensuale e dijetarëve janë të mendimit se është sunet² (i pëlqyeshëm) vonimi i syfyrit deri në momentin e agimit të vërtetë, nëse dihet me siguri momenti i hyrjes së këtij të fundit dhe se imsaku (ndalimi nga prishësit e agjërimit) obligohet me hyrjen e agimit të vërtetë.Lexoni më tepër

Së treti: Imsaku i rezervuar, sidomos kur mbetja e natës është e dyshimtë⁵

Disa dijetarë muslimanë (përfshirë medh’hebin maliki⁶) janë të mendimit se është mustehab⁷ (e pëlqyeshme) që imsaku të jetë pak përpara hyrjes së sabahut, në një vlerë sa leximi i 50 ajeteve [mesatare] kuranore. Këtë mendim ata e mbështesin në transmetimin e Zejd Ibn Thabitit (Allahu qoftë i kënaqur me të!), ku vjen se ai ka thënë: “Bëmë syfyr (hëngrëm në prag të agimit) me të Dërguarin e Allahut (Paqja qoftë mbi të!) dhe pastaj u ngritëm për në namaz.” Transmetuesi (Enesi) e pyeti: “Sa ishte vlera (kohore) e kësaj [në transmetimin e El-Bukhariut qëndron: ‘Sa kishte mes ezanit (të sabahut) dhe syfyrit’]?” Zejdi tha: “Sa vlera e [leximit mesatar (as të shpejtë, as të avashtë) të] 50 ajeteve kuranore [ajeteve mesatare (as të gjata, as të shkurtra)].”⁸Lexoni më tepër

Pra, fillimi i imsakut (largimit nga prishësit e agjërimit) pak kohë përpara hyrjes së agimit të vërtetë, sidomos kur dyshohet se mund të ketë hyrë koha e këtij të fundit, nuk konsiderohet bidat (i pabazuar sheriatikisht), sepse një sërë dijetarësh muslimanë e kanë interpretuar kësisoj transmetimin profetik në fjalë, madje ka pasur edhe prej sahabëve kush e fillonte imsakun pak kohë përpara se të hynte agimi. Por çështja në fjalë (e ngrënies dhe pirjes deri sa të hyjë agimi), është në kuadrin e lejimit dhe jo të obligimit. Në këtë kontekst, dijetari i shquar Ibn Bazi, këshillon që agjëruesi ta mbarojë syfyrin para ezanit, bazuar në transmetimin e Zejd Ibn Thabitit, ku ai e vlerëson kohën mes lënies së syfyrit dhe hyrjes së sabahut aq sa koha që merr leximi i 50 ajete kuranore.⁹Lexoni më tepër

Allahu e di më mirë. LIMITI-CAKU I MBYLLJES SË SYFYRIT

Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.

_____ LIMITI-CAKU I MBYLLJES SË SYFYRIT

LIMITI-CAKU I MBYLLJES SË SYFYRIT