KURBANI-KUSH E BËN-PËR KË MJAFTON - JETA E VËRTETË

Numri i fetvasë: 212 KURBANI-KUSH E BËN-PËR KË MJAFTON

4 674 shfletues/klikues KURBANI-KUSH E BËN-PËR KË MJAFTON

Pyetje: KURBANI-KUSH E BËN-PËR KË MJAFTON

Kush është personi të cilit i ligjërohet bërja e kurbanit të Bajramit dhe për sa familjarë mjafton bërja e një kurbani të vetëm?

Përgjigjja: KURBANI-KUSH E BËN-PËR KË MJAFTON

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Së pari: Kush ligjërohet ta bëj kurbaninLexoni më tepër

Kurban bën muslimani i lirë (burrë a grua qoftë) që e ka mundësinë.²

Parimisht, juristët muslimanë e mbështesin njëzëri kriterin ligjor të mundësisë në çështjen e bërjes së kurbanit, bazuar në thënien e Allahut të Lartësuar: “Allahu nuk e ngarkon askënd përtej fuqisë që ka.”³

Kurse në lidhje me hollësirat e këtij kriteri (rregulli), mendimet më të spikatura të juristëve muslimanë janë⁴:

Mendimi i parë: Me mundësinë nënkuptohet nisabi⁵ (të qenët juridikisht i pasur, pra të arrihet vlera e përcaktuar pasurore obliguese e zekatit). Ky është edhe mendimi i medh’hebit hanefi, të cilët me mundësinë nënkuptojnë mirëqënien, pra që personi, shtesë banesës, veshjes, nevojës dhe gjërave që i duhen për vete dhe kë ka për detyrë të kujdeset për të, të ketë një pasuri të barasvlershme me nisabin (vlerën e përcaktuar pasurore obliguese të zekatit).Lexoni më tepër

Mendimi i dytë: Me mundësinë nënkuptohet pasuria shtesë, si vijon:

a. Shtesë nevojave të domosdoshme vjetore

Medh’hebi maliki e konsideron se ka mundësi të bëj kurban, atë person që kapitali i çmimit të kurbanit nuk i nevojitet për një çështje të domosdoshme gjatë vitit të tij;

b. Shtesë nevojave të domosdoshme të ditëve të kurbanit (10-13 Dhul Hixhe)

Medh’hebi shafi’i e konsideron se ka mundësi të bëj kurban, personin që në ditën e Festës së Kurban Bajramit dhe Ditët e Teshrikut⁶ (sepse kjo është koha e kurbanit), ka shtesë nevojave të veta dhe të atyre që kujdeset për ta financiarisht, kapitalin që i nevojitet për bërjen e kurbanit.Lexoni më tepër

Së dyti: Për kë mjafton kurbani⁸

Prerja e një kurbani të vetëm, mjafton (vlen) për personin dhe familjarët e tij. Po në këtë kontekst vlen të theksohet se blerja nga shumë persona e një bagëtie të imët të vetme si kurban (e njohur si pjesëmarrja e shumë personave në çmimin e një kurbani të vetëm prej dhenve/dhive, ose në 1/7-tën prej lopëve/viçave), e bën të pavlefshëm arritjen e shpërblimit të kurbanit⁹.Lexoni më tepër

Shumica e juristëve muslimanë janë të pajtimit se kurbani që bën kryefamiljari mjafton për të gjithë familjarët e tij. Sa në fjalë bazohet në transmetimin profetik ku vjen se Profeti (Paqja qoftë mbi të!) teksa po bënte kurban një dash me brirë tha: “BISMIL-LAAH (Me emrin e Allahut), O Allah pranoje prej Muhamedit, familjarëve të Muhamedit dhe prej umetit të Muhamedit (muslimanëve)”¹³ dhe në transmetimin: “Burri bënte kurban [në epokën profetike] një bagëti prej dhenve, për veten dhe banorët e shtëpisë së tij, prej të cilit hanin dhe jepnin për të ngrënë”¹⁴; pra një bagëti e imët e vetme mjafton për bërësin e kurbanit dhe familjarët e tij, edhe nëse këta të fundit janë të shumtë në numër.

Muslimanit i ligjërohet që në nijetin (qëllimin) e bërjes së kurbanit dhe po kështu edhe në shpërblimin e tij, të përfshijë veten dhe familjarët e tij. Ky kurban mjafton për të dhe familjarët e tij dhe nuk ka nevojë që për gruan të bëjë kurban tjetër veç këtij. Madje edhe nëse personi nuk e bën nijetin (qëllimin) që kurbani që po bën është edhe prej familjarëve të tij, këtyre të fundit nuk u kërkohet të bëjnë kurban tjetër (sepse kjo kërkesë bie me kryerjen e kurbanit nga kryefamiljari), por ata nuk marrin shpërblim për këtë kurban të cilin as e kanë bërë dhe as u ka bërë hise (pjesë) në shpërblimin e tij bërësi i tij.Lexoni më tepër

Mendimi bazë në këtë çështje është se tek familjarët që kanë hise (pjesë) në kurbanin që bëhet, hyjnë: gruaja dhe fëmijët e bërësit të kurbanit, si dhe çdo i afërm i tij që: (së pari) jeton në të njëjtën shtëpi me bërësin e kurbanit, (së dyti) bërësi i kurbanit kujdeset për të financiarisht ose të dyja palët (bërësi i kurbanit dhe ky i afërm) shpenzojnë për këtë familje dhe (së treti) bërësi i kurbanit dhe ai hanë dhe pinë bashkë (kanë të njëjtat ambiente gatimi dhe ngrënieje). Kuptimi këtu është se – me lejen e Allahut – të gjithë këta marrin shpërblimin e kurbanit të bërë edhe pse paguesit të çmimit të kurbanit i takon shpërblimi më i madh, pasi ai ka paguar kurse të tjerët jo.¹⁵

Së këtejmi, tek familjarët për të cilët mjafton kurbani i kryefamiljarit, nuk hyn i afërmi që jeton në një shtëpi të veçantë ose që ka buxhet të veçantë të ardhurash.

Me fjalë të tjera, kurbani i financuesit mjafton për të financuarin nëse plotësohen tre rregullat në vijim¹⁶:

a. I financuari të jetojë dhe të hajë në të njëjtën shtëpi me financuesin;

b. I financuari të jetë prej të afërmve të financuesit, për arsye të gjakut (si: vëllai, xhaxhai, daja etj.), ose të jetë bashkëshorte e tij;

c. I financuari të jetë prej personave të cilët financuesi e ka për detyrë t’i financojë, si: dy prindërit dhe fëmijët e tij të vegjël, që janë të varfër [të varur ekonomikisht nga ai]; ose të jetë prej personave të cilët financuesi i financon vullnetarisht, si: fëmijët e tij të pasur, vëllanë, xhaxhain, dajën e tij etj.; ose të jetë prej atyre që i ndan të ardhurat e tij me financuesin (merr pjesë në sigurimin e shpenzimeve të jetesës në këtë familje).

Në lidhje me kriterin “familjarët për të cilët mjafton kurbani i bërë”, medh’hebi maliki është i mendimit se: “Familjar konsiderohet personi që: (së pari) për të kujdeset financiarisht (për krejt nevojat financiare të tij) bërësi i kurbanit, (së dyti) është prej të afërmve të bërësit të kurbanit dhe (së treti) banon me të (bërësin e kurbanit) në të njëjtën banesë.”¹⁷

Allahu e di më mirë. KURBANI-KUSH E BËN-PËR KË MJAFTON

Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.

_____ KURBANI-KUSH E BËN-PËR KË MJAFTON

KURBANI-KUSH E BËN-PËR KË MJAFTON

Poshtëshënim:

Dr. Uehbeh Ez-Zuhejli, Kitabu El-Fikh El-Islami, v. 4, f. 2733.
Shih: islamweb.
El-Bekare: 286.
Shih: Uehbetu Ez-Zuhejli, El-Fikhu El-Islami Ue Ediletuhu v. 4. f. 2708.
Nisabi: Kapital i caktuar i pasurisë (vlera e përcaktuar pasurore obliguese e zekatit) që: (së pari) është shtesë nevojave bazë jetike vjetore të personit dhe atyre që ka për detyrë të kujdeset financiarisht për ta; (së dyti) për paratë është 20 dinar/85 gram flori i pastër (24 karatë) ose 200 dirhem/595 gram argjend i pastër, për delet 40 krerë e sipër etj. dhe (së treti) ka qëndruar pa rënë poshtë kësaj vlere gjatë një viti të plotë hënor.
Ditët e Teshrikut: Janë ditët 11-13 të muajit Dhul Hixhe, i cili është muaji i dymbëdhjetë (i fundit) i kalendarit hënor (islam).
Shih: islamqa.
Shih: islamqa, islamqa dhe islamqa.
Shih: islamqa.
Shih: islamweb, islamweb dhe islamweb.
Shih: islamweb dhe islamweb.
Shih: islamweb.
Muslimi 3637.
Et-Tirmidhi 1505 dhe Ibn Maxhe 3147; Albani ka thënë se hadithi është sahih / i vërtetë.
Shih: islamweb.
Shih: feqhweb dhe islamweb.
Shih: islamweb.

Të afërta

Shpërndajeni Fjalën e Mirë:

Poshtëshënim:

Të afërta

Related Posts