ISTIGFARI-KËRKIMFALJA PROFETIKE-FORMA - JETA E VËRTETË

Numri i fetvasë: 355 ISTIGFARI-KËRKIMFALJA PROFETIKE-FORMA

2 711 shfletues/klikues ISTIGFARI-KËRKIMFALJA PROFETIKE-FORMA

Pyetje: ISTIGFARI-KËRKIMFALJA PROFETIKE-FORMA

Kam dëgjuar se është mirë që t’i bëhet sa më shumë istigfar (t’i kërkohet sa më shumë falje) Allahut dhe desha të di se cila është dispozita e istigfarit (të kërkuarit falje Allahut) dhe forma e duhur e tij, bazuar në traditën profetike?

Përgjigjja: ISTIGFARI-KËRKIMFALJA PROFETIKE-FORMA

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Së pari: Dispozita e istigfarit bazuar në traditën profetike

Juristët muslimanë përmendin se thënia e shumtë e istigfarit (të kërkuarit falje Allahut, që përbën një prej llojeve të dhikrit) konsiderohet vepër e pëlqyeshme (mustehab¹), prandaj muslimanit/es i takon të mos tregohet i shkujdesur lidhur me bërjen e istigfarit (të kërkuarit falje Allahut).Lexoni më tepër

Kush i përmbahet modelit profetik numerik të istigfarit, shpërblehet për këtë; ndërkaq nuk ka asnjë problem që personi i cili dëshiron të bëjë istigfar në një numër akoma më të shumtë, por (mendimi më i fuqishëm është se kjo duhet të bëhet) duke pasur parasysh që personi: (së pari) të mos e bëjë të këtillë istigfar me një rrugë apo numër të caktuar dhe (së dyti) të mos e bëjë atë në mënyrë të vazhdueshme (më fjalë të tjera të bëjë istigfar pa numërim, sa, si dhe kur të mundet); sepse të vepruarit në kundërshtim me sa në fjalë shpie në kundërvajtjen fetare të “rënies në kufizimin numerik me një numër të caktuar të një adhurimi, pa argument sheriatik (ligjor islam) përkatës”.

Gjithsesi, po në këtë kontekst, duhet theksuar edhe fakti se disa dijetarë muslimanë janë të mendimit se me numrin e istigfarit të ardhur në transmetimet referente profetike, synohet shpeshtësia (bërja e tyre në një numër të shumtë) dhe nuk synohet të kufizuarit në këtë numër².

Së dyti: Forma e përditshmërisë së istigfarit (kërkimfaljes profetike)³

Forma e përditshmërisë profetike të istigfarit, spikatet në transmetimet vijuese:

Profeti (Paqja qoftë mbi të!) ka thënë: “Faktikisht unë i kërkoj falje Allahut në një ditë njëqind herë” dhe ka thënë: ‘O ju njerëz, shprehjani pendimin Allahut, pasi unë ia shpreh Atij pendimin njëqind herë në ditë.’”⁴Lexoni më tepër

Ebu Hurejra (Allahu qoftë i kënaqur me të!) ka thënë: “Nuk kam parë dikë që më së shumti të thotë: ‘ESTEGFIRULL-LLAAHE UE ETUUBU ILEJHI / I kërkoj falje Allahut dhe ia shpreh Atij pendimin’,- sesa i Dërguari i Allahut (Paqja qoftë mbi të!).”⁷

Ibn Umeri (Allahu qoftë i kënaqur me të!) ka thënë: “Ne i numëronim të Dërguarit të Allahut (Paqja qoftë mbi të!) ta thoshte në një ndenje të vetme njëqind herë thënien: ‘RAB-BI-GFIR LII, UE TUB ĂLEJ-JE, IN-NEKE ENTE ET-TEU-UEEBUR-RAȞIIM / Zoti im, falmë mua dhe pranoma pendimin, Ti je Pendimpranuesi, Mëshiruesi.”⁸

Profetit (Paqja qoftë mbi të!) i ka ardhur një burrë, i cili i ka thënë: “‘O i Dërguar i Allahut, çfarë të them kur t’i kërkoj (lutem) Zotit tim?’- dhe ai (Paqja qoftë mbi të!) i tha: ʻThuaj: ʻALL-LLAAHUM-ME-GFIRLII, UERȞAMNII, UE ĂAFINI, UERZUǨNI / O Allah falmë, mëshiromë, jepmë mirëqenie [mbromë / shpëtomë] e furnizomë’,- ia ka thënë këtë duke i bashkuar gishtat e tij (Paqja qoftë mbi të!), veç të madhit dhe ka shtuar: ʻVërtet që këto [fjalë] ta tubojnë [mirësinë lidhur me] dynjanë tënde dhe amshimin tënd.’”⁹Lexoni më tepër

Po në kontekstin e transmetimit paraprak, vjen se kur personi hynte në Islam, Profeti (Paqja qoftë mbi të!) ia mësonte namazin dhe pastaj e urdhëronte (mësonte) të lutej me këto fjalë: ʻALL-LLAAHUM-ME-GFIRLII, UERȞAMNII, UEHDINI, UE ĂAFINI, UERZUǨNI / O Allah falmë, mëshiromë, udhëzomë, jepmë mirëqenie [mbromë / shpëtomë] e furnizomë!’- dhe po këtë lutje ia tha Profeti (Paqja qoftë mbi të!) që të bënte edhe një burri që i drejtoi atij (Paqja qoftë mbi të!) pyetjen: “Çfarë të them kur ta lus Zotin tim”-, të cilin Profeti (Paqja qoftë mbi të!) e udhëzoi që të thoshte pikërisht fjalët e kësaj lutje, në një formë të tillë që ai (Paqja qoftë mbi të!) i mblodhi njëri pas tjetrit gishtat e dorës së tij veç gishtit të madhit [si tregues për çdonjërin prej katër togfjalëshave të kësaj lutje] dhe në fund i tha burrit: “Këto (fjalë) ta tubojnë (mirësinë lidhur me) dynjanë tënde dhe ahiretin tënd (botën tjetër)”¹⁰; ku vjen se Profeti (Paqja qoftë mbi të!) e ka mësuar këtë sahabi (shok të tij) që kur ta lus Zotin e tij, Allahun e Lartësuar, ta fillojë lutjen në fjalë me kërkimin e faljes së Tij, me të cilën Ai ia fshin robit mëkatet; pastaj (ta vijojë lutjen) me kërkimin e mëshirës së Tij, që Ai ta përfshijë dhe stolis me të në dy botët; pastaj (ta vijojë lutjen) me kërkimin e udhëzimit të Tij, që Ai ta udhëzojë lutësin që ta njohë të vërtetën dhe të vazhdojë në të; pastaj (ta vijojë lutjen) me kërkimin e mbrojtjes së Tij, që Ai ta shpëtojë nga sprovat në fe dhe shëndet, nga sëmundjet trupore dhe ato të zemrës, pra t’i japë mirëqenie prej Tij që lutësi të jetë i aftë t’ia bëjë falënderimin Zotit të tij me fjalë dhe vepra; dhe pastaj (ta vijojë lutjen) me kërkimin e furnizimit prej Tij, duke u lutur të ketë një furnizim hallall, të mirë dhe mjaftueshëm, aq sa të mos ketë nevojë t’ia shtrijë dorën askujt.

KËRKIMFALJA PROFETIKE NË NAMAZ

Allahu e di më mirë. ISTIGFARI-KËRKIMFALJA PROFETIKE-FORMA

Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.

_____ ISTIGFARI-KËRKIMFALJA PROFETIKE-FORMA

ISTIGFARI-KËRKIMFALJA PROFETIKE-FORMA

Mustehab: Veprim i pëlqyeshëm, kryerja e të cilit shpërblehet dhe lënia e tij nuk ndëshkohet. ↩
Shih: dorar. ↩
Shih: islamweb dhe islamqa. ↩
Muslimi 2702. ↩
En-Nisai, Es-Sunenu El-Kubra v. 6, f. 114 dhe Ahmedi, El-Musnedu v. 2, f. 45; ekzaminuesit e Musnedit kanë thënë se hadithi është hasen / i besueshëm. ↩
El-Bukhari 6307. ↩
Ibn Hiban 928 dhe En-Nisai, Es-Sunenu El-Kubra v. 6, f. 118; shih dorar dhe islamway, rreth këtij hadithi ka fjalë (ka dijetar që e konsiderojnë transmetimin të besueshëm dhe ka të tjerë që nuk e konsiderojën të tillë, për shkak të pranisë së transmetuesve të diskutueshëm). ↩
Ebu Daudi 1516 dhe Et-Tirmidhi 3430; Albani ka thënë se hadithi është sahih / i vërtetë. ↩
Muslimi 2697. ↩
Muslimi 2697, v. 4. Nr 2073; El-Ishbili, El-Xhem’u Bejne Es-Sahihejni, v. 4, f. 39; dorar. ↩

Të afërta

Shpërndajeni Fjalën e Mirë:

Të afërta

Related Posts