DISPOZITA TË MUAJVE TË SHENJTË

Numri i fetvasë: 280 DISPOZITA TË MUAJVE TË SHENJTË

Kategoria: MIRËSITË E DITËVE-MUAJVE-KOHËVE

3 850 shfletues/klikues DISPOZITA TË MUAJVE TË SHENJTË

---

 Pyetje: DISPOZITA TË MUAJVE TË SHENJTË

---

Cilat janë dispozitat kryesore në lidhje me muajt e shenjtë?

---

 Përgjigjja: DISPOZITA TË MUAJVE TË SHENJTË

---

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Dispozitat kryesore të muajve të shenjtë janë¹:Lexoni më tepër

a. Dispozita e madhërimit të muajve të shenjtë²

Muajt e shenjtë kanë qenë të madhëruar në ligjin hyjnor të ndjekur nga Ibrahimi dhe (djali i tij) Ismaili (Paqja qoftë mbi të dy!) dhe madhërimi i tyre vazhdoi në gjeneratat pasardhëse të tyre, ashtu që arabët i madhëronin këto muaj dhe e ndalonin luftën në to. Me ardhjen e fesë islame, do të miratohej në vijimësi madhërimi i këtyre muajve dhe të tillë kanë mbetur ato në Islam, ndaj muslimani lipset t’i afrohet Allahut të Lartësuar duke bërë në këto muaj sa të mundet agjërim vullnetar dhe vepra të tjera të mira të ligjëruara, si dhe duke u larguar nga çfarë ka ndaluar Allahu i Madhëruar.

b. Dispozita e ndalimit të nisjes së luftës në muajt e shenjtë³

Në kohën paraislame lufta në muajt e shenjtë ishte e ndaluar ndër arabët. Edhe në fillim të Islamit, nisja e luftës në muajt e shenjtë ishte e ndaluar, por pastaj kjo dispozitë u shfuqizua (sipas një mendimi të fuqishëm të juristëve muslimanë që përbën mendimin e shumicës, teksa një tjetër mendim i konsiderueshëm është se dispozita e nisjes së luftës në muajt e shenjtë nuk është shfuqizuar) dhe këto muaj u bënë njëjtë si muajt e tjerë sa i përket luftës.⁴Lexoni më tepër

c. Veprat e mira dhe mëkatet e bëra në këto muaj shumohen⁶

Janë disa dijetarët muslimanë që kanë theksuar se me shenjtërinë e muajve të shenjtë nënkuptohet që muslimani: të angazhohet në kryerjen e sa më shumë veprave të mira në këto muaj, pasi shpërblimi për to në muajt e shenjtë është më i madh sesa jashtë tyre, si dhe të angazhohet të bëj kujdes të mbrojë shenjtërinë (dispozitat islame ndaluese) lidhur me muajt e shenjtë, pasi padrejtësia dhe e keqja në to është më e ndëshkueshme sesa jashtë tyre⁷.Lexoni më tepër

d. Pëlqehet agjërimi në muajt e shenjtë¹⁰

Pëlqyeshmëria e agjërimit të plotë të gjithë muajve të shenjtë së bashku (ose veçuar) përbën mendimin më të fuqishëm të mbështetur nga shumica e juristëve muslimanë. Ndërkaq, juristë të tjerë mendojnë se më e mira është që agjëruesi i muajve të shenjtë të mos e agjërojë asnjërin prej tyre tërësisht dhe se agjërimi në vetvete (veçmas) i muajve të shenjtë pëlqehet vetëm për muajin Muharrem.Lexoni më tepër

e. Lejohet gjuatia në muajt e shenjtë¹¹

Gjuetia e shpendëve ose kafshëve të lejuara, nuk ka problem që të ushtrohet në çdo vend dhe kohë, përfshirë edhe muajt e shenjtë; pra nuk ka asnjë lidhje mes muajve të shenjtë dhe ndalimit të gjuetisë. Në fakt, ndalimi i gjuetisë ka të bëjë me dy kritere (norma): (së pari) gjuetia ndalohet kur personi është në gjendjen e ihramit¹² të haxhit ose umras (gjendjen rituale të pelegrinazhit të madhe ose të vogël) dhe (së dyti) gjuetia ndalohet, pavarësish nëse gjuetari është ose jo në gjendjen e Ihramit (gjendjen rituale të pelegrinazhit), nëse gjahu gjendet në kufijtë e territoreve të shenjta (të madhëruara / të pacenueshme), të cilat janë territoret përkatëse në Meke dhe Medine.Lexoni më tepër

Allahu e di më mirë. DISPOZITA TË MUAJVE TË SHENJTË

Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.

_____ DISPOZITA TË MUAJVE TË SHENJTË

DISPOZITA TË MUAJVE TË SHENJTË